Музей гісторыі Магілёва разбагацеў на новую выбітную гісторыка-культурную каштоўнасць » mogilew.by
 

Музей гісторыі Магілёва разбагацеў на новую выбітную гісторыка-культурную каштоўнасць

27.09.2016 11:55
Музей гісторыі Магілёва разбагацеў на новую выбітную гісторыка-культурную каштоўнасць
Музей гісторыі Магілёва стаў багацейшым яшчэ на адну выбітную гісторыка-культурную каштоўнасць. Гэта кніга «Новы запавет з Псалтыром», выдадзеная ў 1652 годзе ў друкарні Куцеінскага манастыра (пад Оршай).
Гэтае выданне — цудоўны экзэмпляр, што рэпрэзентуе магілёўскую традыцыю кнігадрукавання, бо, як вядома, куцеінская друкарня была заснаваная магілёўскім першадрукаром Спірыдонам Собалем у 1630 годзе, і пасля яго сыходу працягвала пачатую ім традыцыю.

Экзэмпляр, які трапіў у магілёўскі музей, мае невялікую страту — адсутнічаюць першыя старонкі і пярэдняя вокладка. Аднак у астатнім ён цудоўна захаваўся. З гравюр, змешчаных у выданні, маюцца тры — з выявамі апосталаў Іаана, Марка і Лукі.
Зараз кніга знаходзіцца на экспертызе. Яна будзе прэзентаваная на бліжэйшым музейным мерапрыемстве — «Дні гарніста», што пройдзе ў межах Нацыянальнага форума «Музеі Беларусі» 1 кастрычніка ў 18:00.



Установа культуры вельмі ўдзячна мецэнату Валерыю Казакову, а таксама новым і даўнім сябрам музея — Зміцеру Яцкевічу (Нясвіж), Андрэю Радкову (Мінск), Багдану Беразенка (Кіеў) за фінансавую гарантыю і дапамогу ў пошуках і набыцці кнігі.

Рэд.
Могилевский горисполком
рейтинг: 
  • Не нравится
  • -347
  • Нравится
ПОДЕЛИТЬСЯ:

ОСТАВИТЬ КОММЕНТАРИЙ
иконка
Посетители, находящиеся в группе Гости, не могут оставлять комментарии к данной публикации.
Новости